000

نماذج لحالات مرضية تعاني من الوسواس القهري (4) الوسواس القهري الرئيسية 1
ذات صلة
الإجابة عن العديد من الاستشارات حول الوسواس القهري
حمل كتاب الوسواس القهري
إقرأ عن الوسواس القهري الديني
العديد من المحاضرات التي ألقاها عن د.محمد شريف سالم عن الوسواس القهري
 
من مواقعنا
نفسي دوت نت

 

الأكثر قراءة
إضطرابات النوم
العلاج الدوائي لمرض الإكتئاب
أعراض الوسواس القهري
الحركات اللإرادية عند الأطفال
العلاج الدوائي للفصام
الخوف الإجتماعي
توكيد الذات
الإعتداء الجنسي على الأطفال
الخوف من الموت
مفاهيم خاطئة للمرض والعلاج النفسي
 
تابعونا على
قناة الصوتيات issu you authar face
 
 

 

 

 

الوسواس
الوسواس القهري
قبل أن نبدأ
معنى الوسواس القهري
الشخصية الوسواسية
أسباب الإصابة بالوسواس
الفرق بين الشخصية الوسواسية والوسواس القهري
وسواس الشيطان والوسواس القهري
أعراض الإصابة بالوسواس
أعراض الإصابة عند الأطفال
مسار الوسواس ومآله
علاج الوسواس القهري
البرنامج العلاجي
علاج الأفكار الوسواسية
تحدي المعتقدات الخاطئة
التعرض التخيلي
التعرض ومنع الطقوس
عالج نفسك بنفسك
دور الأسرة في العلاج
نماذج لعلاج بعض الحالات
لو رفض المريض العلاج؟
الوسواس القهري الديني
برنامج علاج الوسواس القهري الديني
نماذج لعلاج بعض حالات الوساس القهري الديني
وسواس الطهارة والصلاة
الوسواس القهري الديني... وجهة نظر مسيحية
وسواس التخزين والإحتفاظ بالخردة
وسواس الصدام والفرار
وسواس الشذوذ الجنسي
علاج الإنتكاسة المرضة
الوسواس القهري عند الأطفال
مرض الوسواس القهري والآخرون في حياتك
سؤال وجواب حول علاج الوسواس عند الأطفال
سؤال وجواب حول علاج الوسواس عند البالغين
نادي مساعدة مرضى الوسواس القهري
خاتمة
المراجع

 

نماذج مختصرة من الحالات المرضية

4 3 2 1

 

هذه الحالات نقلتها بألفاظ المرضى وبنفس التعبيرات التي صدرت منهم ولم اتدخل فيها بالحذف أو الأضافة.

الحالة (173) سيدة/ 25 سنة
لو قعدت لوحدي أحس إني مشيت عملت حاجات غلط (زنا – انحراف) أبطل أخرج تمامًا.. أقول لزوجي اقفل عليا بالمفتاح وأفضل أسأل الناس أنا رحت، مارحتش.. أنا جيت، ماجتش..
مش عايزة أمشي لوحدي في الشارع أحسن أروح مكان مشبوه (مكان دعارة) خايفة أقعد مع عيالي لوحدي أحسن أمشي بيهم وآخدهم أموتهم أو أعمل فيهم حاجة وحشة..
أخاف أحط إيدي في بكارة بنتي أو أخنقها، لو العيال نايمين أخاف أغطيهم، خايفة أخنقهم ويموتوا أبعد عنهم نهائيًا..
لو أى حد معايا في المشاوير يبقى مفيش قلق ولا خوف، أى راجل واقف أقول أنا كلمت الراجل ده كلام وحش..
لو جه بتاع النور ولا الغاز مفتحش خايفة أدخله أعمل معاه حاجة تغضب ربنا.. حايفة أمشي في الشارع مع إني عارفة إني مش ممكن أعمل كده.. خايفة أروح أجيب العيال من المدرسة أحسن أموتهم وخايفة أقول لحد من الناس إني رايحة أجيبهم من المدرسة يعرفوا إن أنا اللي موتهم..
خنقة وزهق ويغمى عليا.. لما أروح لأمي لازم جوزي يوصلني ويسلمني لأمي ويستلمني منها.. خايفة أروح أزني أو أعمل علاقات مع الرجال..
طول النهار أفكر هو أنا رحت للراجل اللي قدامنا عملت معاه حاجة.. خايفة أرمي عيالي في الشارع ويضيعوا..
لما أنام أقوم أسأل الناس هو أنا كنت هنا ولا رحت أى مشوار لوحدي أبدًا
 
الحالة (174) سيدة/ 31 سنة
مش عاوزة حد يزورنا في البيت أبدًا وإلا لازم يتبع التعليمات..
ممنوع الولد يخرج البلكونة والبلكونة أصلاً مقفولة.. الفلوس لو لمستها أغسل إيدي.. الفاكهة والخضار أغسلهم بمنظف المواعين..
أى حاجة من برة البيت خايفة يكون فيها تراب، لازم اللي داخل يقلع هدومه ويستحمى ويغسل إيديه ولازم الهدوم تتغسل.. والهدوم النظيفة لوحدها والمستعملة لوحدها وأى حاجة جاية من الشارع زيها.
الحالة (175) سيدة/ 30 سنة
أخاف من اللحم أحسن الدهون تنزل على الأرض وتوسخ الدنيا تمتلئ دود والبيت يعفن.. أخاف ألاقي حشرات في البيت بقيت أحط كل حاجة في الشمس..
وسواس في العيال أحللهم ديدان كل شوية..
خايفة أطبخ نظام البي يلخط وأوسخ وأغيب في تنظيم وتنظيف البيت.. لو معايا كيس فيه حاجة أخاف يكون اتقطع ودخلت فيه سوسة.. أفضل أدور وحد يطمني.. لازم أسأل حد حاجةوقعت.. حاجة فيها دود.. لو الدنيا مطرت أخاف ينزل المطر على الأكل تتملي الحلة  وتتكب على الأرض أبطل أطبخ.
مخليا ابني عند أمي علشان بأفضل أغسله بعد البامبرز بالساعات..
قرفانة من العلاقة مع جوزي أدخل ساعتين الحمام.. لو وقع عليا ماء في الشارع شوفي يا ماما فيها حاجة وأروح عند أمي أغير هدومي عندها.

الحالة (176) شاب/ 29 سنة
خايف يكون حجم العضو بتاعي صغير مع إني عارف إنه مش صغير.. حاسس كل ما أتقدم في الجواز حجمه بيصغر شوية شوية.. رحت لـ 3 دكاترة قالوا إنت طبيعي.. مش عايز أبطل تفكير..
بقيت بفكر ليل نهار.. مهتم جدًا بالمقاسات أسأل كل الناسوبقيت مسخرة وسط كل الناس طوله الصح كام وعرضه كام.
أنا مش متقبل فكرة إن عضوي بيصغر شوية شوية مع إن كلهم أكدوا إنه طبيعي.. مسيطرة على دماغي الفكرة دي وحاسس إني مش طبيعي.. عاوز أحس إني طبيعي زى كل الناس.. سألت زوجتي هو حجم العضو صغر ولا لأة وقالتلي إنه طبيعي ومفيش تغيير من ساعة ما اتجوزنا.. حاسس إنها بتعطف عليا وأنا صعبان عليها..
لما أخويا كان بيطلع عفشه لأنه ح يتجوز بقيت أعيط لأن حجم العضو عنده ح يبقى طبيعي وأنا لأة.
الحالة (177) شاب/ 36 سنة
كل ما أصلي حاجة تقولي إنت بتصلي للراجل ده، للعمود ده.. من خوفي من الشرط بطلت صلاة خالص.
لما آجي أغتسل أو أتوضأ أقول لازم أثبت إن ربنا خالق الكون الأول.. أفضل أفكر ما أوصلش لنتيجة وبعد ساعات طويلة أوصل لنتيجة تيجيلي فكرة تانية إيش دراك إن فيه كون تاني له إله تاني وربنا بتاعكوا ده ميعرفش..
أحاول أثبت إن الكلام ده أى كلام أقول أنا مسلم الفكرة تسألني بأمارة إيه.
لو قلت الكلمة دي معناها طلاق ولو نطقت النطق ده معناه طلاق أروح لزوجتي مع الدكتور أحط إيدي على بقي لا يكون أى كلمة معناها طلاق..
أنا مبطل معاشرة زوجتي من 100 يوم.. رحت للشيخ أفتاني إن ده مرض ولا حرج عليا وقالي أجامع زوجتي.. حاسس إن الفتوي دي غلط لأني قلت للشيخ إني موسوس وواضح إنه بنى فتوته على إني موسوس وبالتالي الفتوي مش مزبوطة وبالتالي زوجتي محرمة عليا.

الحالة (178) سيدة/ 23 سنة
أشك الحاجة من طاهرة.. أمسح بالماء.. لازم أطلع من الحمام أغسل رجلي، الخوف من الطرطشة.. لمست حاجة أثناء الدورة الشهرية لازم أغسل كل حاجة وكل مكان أقعد فيه يبقى نجسته..
لو اشتريت ساندويتشات ولمست الكيس أسيب الأكل، لو أكلت أكل من برة أفكر إن حد لمسه بدون غسيل أسيبه، لما ألمس بنتي أغسل إيدي وأغسل الحنفية لو لمستها..
لو جت طرطشة أغير كل الملايات.. ولو طرطشت في الأرض لازم أغسل مكان الطرطشة ولو معملتش كدة ماقعدش هنا.
لو لمست الحنفية ولا الحوض لازم أغسلها تاني، لو ذبابة لمست البنت لازم أغسل مكانها ولو حاجة طرطشت على هدومي لازم أقلعها وأستحمى..
لو حصل جماع مع زوجي لازم أمسح الشقة كلها وأغسل الهدوم كلها، لو كتفي لمس الحيطة أغسل بصابون كل حاجة.. لما أفعد على قاعدة التواليت أحسالبول جه على القاعدة ونجسني لازم أغسل القاعدة والتواليت وجسمي..
لو غيرت البامبرز للبنت ولمس هدومي أغير هدومي كلها..
أرجع من الشغل خايفة ليكون هدومي فيها دم وخايفة الدم يكون فيه فيروسات أمسح مكان الدم في الأرض واللبس.. خايفة بنتي يدخل فيها فيروس من الدم مع إني عارفة إني ملمستش حاجة بس عندي احساس إنه لمسني وح يلمس البنت.

الحالة (179) سيدة/ 28 سنة
لما رحت عندأختي لميت المشابك وخبيتهم.. بربط مشابك الغسيل وأحطها في مكان بعيد، بأخاف أحط مشابك الغسيل في فرجي وخايفة أحط الزبالة في بقي.. أى حاجة أرميها في الشارع أحس بلعتها.
وسواس إني بآكل دبابيس وبحطها في وداني وبطني وسرتي وفي فرجي..
أحس لإني بمشي في الشارع آكل أعقاب السجاير، لإني بآكل زجاج مكسر وأخاف أحط ماكينة الحلاقة بتاعة زوجي في فرجي.. أخلي زوجي يحط البابيس والإبر في الدكان أحسن أحطها في أى حتة في جسمي..
لة حاجة ضاعت أحس هتهبل أضرب العيال..أتجنن أصرخ.. عصبية وقماصة على الكل.. خايفة أحط للولد في ودانه ومناخيره الدبابيس والمشابك.. خايفة العيال تاكل الورق وتحط الأقلام في زورها..
أسأل الجيران أنتم حطيتهم دبابيس.. أسأل على الساندويتشات اللي متعملتش هل فيها دبابيس..
أخاف أبلع ريقي ليكون فيه دبابيس.. بحس إني بأحط للولد دبابيس في البزازة.. أقول لسلفتي وأنادي عليها أقولها حطولي دبابيس في الأكل في بزازة الولد.
بقفل الباب على نفسي بالمفتاح ومفتحش حتى لجوزي.. أخاف أقول لحد حط دبابيس في زوري أو في الطبيخ.
الحالة (180) سيدة/ 27 سنة
غسيل اليد والرقبة والأذن وأحيانًا رجلي في نص ساعة. ماء بديتول ولازم أرش البيت.. لو أشتروا حاجة لازم أرش، لما أشوف متسول يجيلي انهيار وخوف وقلق وممكن أجري أرمي نفسي على السيارة.. خايفة لو لمسني يصيبني القرف..
لو مجرد شفت متسول أرجع البيت أغسل هدومي كلها وأرش,, خايفة ومرعوبة من القذارة وأبقى منهارة عياط ورعشة وأبطل أكل وعايزة أحبس نفسي في البيت.

الحالة (181) سيدة/ 28 سنة
لو جوزي سلم على أخويا اللي متجوز بنت خالته اللي أبوها بتاع سمك لازم أغسل هدومه كلها.. لازم يقلع هدومه عريان على باب الشقة ويدخل الحمام ويغسل كل حاجةحتى الموبايل.
أعيد الصلاة أحسن أكون نسيت حاجة منها أتوضأ 7 أو8 مرات لا يكون وضوئي اتنقض.. كل يوم استحمى 7 أو 8 مرات أحسن أكون احتلمت..
وسواس من ناحية السمك..لو عديت مع جوزي جنب محل سمك نروح البيت نقلع الهدوم كلها وأغسل الطريق للحمام ونفضل 4 أيام نغسل كل حاجة في البيت.. الشبابيك، الهدوم، الأرض والحنفيات..
أحمي العيال في اليوم مرتين تلاتة.. بنت خالتي تاجرة سمك متجوزة أخويا لا أكلمه ولا أسلم عليه ولا نروح عنده ولا ييجي عندنا.. ولو جه تبقى مصيبة وعكننة.

الحالة (182) سيدة/ 36 سنة

وسواس قهري من الإعدادية.. مفيش عدل بين الإخوة.. حاسة إني كتبت في الإمتحان اسم خطيبي إنه إرهابي.. خايفة يكون حد عرف.. لما أشوف حد في الشارع أحس إني عايزة أبوسه.. سواق تاكسي، راجل عجوز،..... إلخ مرة عملت فعلاً حركة بوسة للسواق وخايفة أعمل كدة تاني.. حاسة إني جوزي بيسرق من الشركة وهو مش عارف.. عندي احساس إني ح أكتب عقد الشقة للناس وخايفة أعمل كده وتروح مني الشقة..أنا كتبت دكان بإسمي من زمان.. لما رحت الحضانة شكيت إني قلت للميس إني ح أكتب الدكان بإسمها وطول الليل أفكر أنا كتبته بإسمها ولا لأ.. وأقول أنا ضيعت عيالي ح يبقوا فقرا والدكان راحعليا.. أمي قالت لي إن دم الحيض ده سم.. لما جت الدورة بقيت أمسكك كل حاجة بكيس علشان السم اللي في الدورة الشهرية.. لا ألمس حاجة وأغسل وأنظف وأكرر وأكرر.. ودايمًا مش فاكرة أنا غسلت إيدي ولا لأ.

الحالة (183) آنسة/ 24 سنة

أفكار إني ح أحسد اللي قدامي ويحصله مرض وتنقطع أطرافه مثلاً.. أخاف يجيلي مرض الفيل وأخاف الناس اللي بحبهم يجيلهم مرض الفيل أو يموتوا لو مشيوا.. لوسافروا.. لوخرجوا..

الحالة (184) آنسة/ 22 سنة

مش بحب أتفرج علي أى خناقة أو أفلام الضرب.. أخاف أبص على العورات.. وبيحصلي إثارة وإفرازات من أفلام الضرب.. أتخيل وأحتلم بأفلام الضرب.. أخاف من السرطان والمرض وأخاف أهلي يموتوا لو خرجوا.

الحالة (185) آنسة/ 24 سنة

في احساس إن حد لمسني وصور معاشرة جنسية في دماغي.. وأفكار جنسية عن ربنا. أدخل الحمام 6 ساعات.. أغتسل للتفكير في الجنس أو الأحلام.. أحس إن حد بيلمسني وألفاظ بذيئة في دماغي.. وفكرة إن ربنا مش هو الإله.. عندي أفكار إن أختي ح تموت في حادثة.. وحاسة على طول بضيق وزهق وتوتر ومش طايقة حد.. وأحس إني بأعاند في ربنا.. لفظ سب الدين على طول في دماغي.. أنظف هدومي كتير من التفكير الجنسي وأحب أقعد لوحدي. الشيخ قاللي إن في واحد عمل العادة السرية في هدومه الداخلية وبنته لبستها بقت حامل.. حصلي خوف ورعب من ساعتها.

الحالة (186) آنسة/ 23

سنة أشك إن الحاجة مش طاهرة وأمسح بالماء.. لازم لما أطلع من الحمام أغسل رجلي وأخاف من الطرطشة.. لو لمست حاجة أيام الحيض لازم أغسلها.. أى مكان أقعد فيه يبقى نجسته.. لو اشتريت ساندويتشات ولمست الكيس أسيب الأكل.. أغسل إيدي وأغسل الحنفية لو لمستها.. أغسل الملايات كلها ولوحاجة طرطشت على الأرض أغسل مكان الطرطشة وإلا معقدتش فيه. لو لمست الحنفية ولا الحوض لازم أغسلهم تاني.. لو ذبابة لمست البنت لازم أغسل مكانها... ولو حاجة طرطشت على هدومي لازم أقلعها كلها وأستحمى. لو كتفي لمس الحيطة أغسل كل حاجة بصابون. لما أقعد على التواليت أحس إن البول جه على القاعدة ونجسني لازم أغسل القاعدة والتواليت وجسمي.. لو غيرت البامبرز للبنت ولمست هدومي أغير هدومي كلها.. لما أرجع من الشغل أغير هدومي كلها أحسن يكون فيها دم والدم يكون فيه فيروسات.. أمسح مكان الدم في الأرض واللبس وأخاف بنتي يجيلها فيروسات من الدم.

4 3 2 1

 

  نماذج لحالات مرضية تعاني من الوسواس القهري (4) الوسواس القهري الرئيسية