000

      أمثلة لحالات من الهيستيريا الإضطرابات الإنشقاقية والتحولية الرئيسية 1
 
استشارات عن الاضطرابات الانشقاقية والتحولية
استشارات
علاج الاضطرابات النفس جسدية
كيف تقول لا وتتتصرف بحرية
 
من مواقعنا
نفسي دوت نت

 

الأكثر قراءة
إضطرابات النوم
العلاج الدوائي لمرض الإكتئاب
أعراض الوسواس القهري
الحركات اللإرادية عند الأطفال
العلاج الدوائي للفصام
الخوف الإجتماعي
توكيد الذات
الإعتداء الجنسي على الأطفال
الخوف من الموت
مفاهيم خاطئة للمرض والعلاج النفسي
 
تابعونا على
قناة الصوتيات issu you authar face
 
 
الهيستريا
الهيستريا
ما هي الهستريا؟
الشخصية الهيسترية
مدي إنتشار هذا الإضطراب
ما هي أسباب حدوثها؟
ميكانيكية حدوث أعراض الهيستيريا
الأعراض الإكلينيكية
كيفية التشخيص
أمثلة لحالات تعاني من الهيستريا
التشخيص المفارق
التفاعلات الهيستيرية
مآل هذا الإضطراب
الإضطرابات الإنشقاقية
فقدان الذاكرة الإنشقاقي
الذهول الانشقاقي
إضطراب الآنية
إضطراب الهوية الإنشقاقي
الإضطرابات جسدية الشكل
اضطراب الجسدنة
اضطراب التحويل
اضطراب الألم
المراق أو الشرفسية
اضطراب تشوه شكل الجسد
العلاج
المراجع

 

أمثلة لحالات من الهيستيريا

حالة (1) سيدة – 35 سنة  (انشقاق)

كانت أرملة مع 5 أطفال تزوجت رجل متزوج ولها منه طفلان، أى عندها 7 أطفال، تزوج عليها زوجها زوجتان وأصبح عنده 4 زوجات، تزعل بسرعة.. تتقمص، تخبط حالات مرضيةعلى الأرض، تشكو من الصداع... عندما يذهب زوجها لأى زوجة أخرى تتعصب، تشتم، تكسر أى حاجة أمامها، تتقمص، تشكو من الرعشة.

وتمشي وتسيب البيت مسافات طويلة وتدعي أنها لا تشعر بذلك أبدًا وتجد نفسها بعيدة عن البيت في بلد آخر، إما أن تتصل بزوجها ليأتي ويأخذها أو ترجع بمفردها وتقول أنا أفقت في البلد الفلاني ورجعت لوحدي.

في إحدى المرات عندما ذهب زوجها لزوجة أخرى خرجت من البيت  وذهبت إلى بيت الزوجة الأخرى وطرقت الباب وفتحت لها ووجدت زوجها وأفاقت وقالت إيه اللي جابني هنا (يا سلام على البراءة).

الجن تكلم عليها وقال أنها مسحورة واللي عملها السحر فلان أو فلانة، السحر موجود في المكان الفلاني(لماذا لا يتكلم الجن إلا عند ذهابه لزوجة أخرى، وهل يعلم الجن الغيب).

حالة (2) سيدة – 32، مطلقة تحويل

تقدم لي خطيب للزواج ولما أهلي عرفوا ظروفه المادية الضيقة رفضوه، زعلت جدًا توقفت يدي عن الحركة، وتجيلي دوخة ويغمى عليا بس أبقى سمعاهم وشيفاهم ومش قادرة أرد عليهم، وساعات أكون مش عاوزة كده ويسيبوني، دلوقت أى مشكلة أو زعل تقف إيديا عن الحركة ويغمى عليا.

حالة (3) فتاة

زوجي بيضربني ويشتمني، آخر مرة كسر لي إصبعين من اليد اليسرى، رحت المستشفى عملوا لي جبس، جسمي وعيني كلها كدمات وزرقان.. تركت له البيت ومشيت، رجعت آخر مرة بالنهار وأنا فاكرة أنه في الشغل لقيت جارتي اللي ساكنة تحتي مع زوجي في الشقة مع أنها متزوجة، لما زوجها يروح الشغل تقابله في شقتي، وأنا عارفة أنها كانت تعاكس الرجالة في البيت، بقى يجيلي إغماء وبكاء وصراخ وأحلم أحلام وحشة وأكسر حاجات البيت والفازات (تحويل) روح في جسمي مش عارفة حصلت إزاى (انشقاق)

أنا دلوقتي في نار، أسيب البيت وأهرب من الضرب والشتم، ولا أرجع وأعيش في بيتي واستحمل علشان المجرمة متخدش مني زوجي.

حالة (4) سيدة – 27 سنة   انشقاق

كلام الزوج..

لما جارتها ماتت بالمرض الوحش (السرطان) أصابها الخوف والتنميل والترجيع والحزن، تقوم من النوم مش عارفة العيال، تجيب صور عيالها علشان تفتكر (طب عرفت مكان الصور إزاى)، تقول دول عيالي ولا مش عيالي، تسأل العيال أبوكم فين، أمكم مين وفين، وتقوم من النوم تصحي زوجها وتقول له أنت مين، إيه اللي جابك هنا، نايم جنبي ليه (طب قبل النوم نامت جنبه ليه).

حالة (5) شاب – 18 سنة     تحويل

لما أزعل أزعق وأتكلم كتير، لما أشوف أى حاجة وحشة أو أزعل أو حد يزعل مني اقع على الأرض وجسمي يتخشب، مرة زعلت في المدرسة وقعت على الأرض وأغمى عليا، مرة شفت خناقة في الشارع وواحد اتعور ونزل منه دم أغمى عليا ومحستش بنفسي وبقيت مش شايف اللي قدامي، مرة تعاركت مع زميل وزعقنا لقيت نفسي واقع على الأرض.. لما أزعل أبقى مش عاوز أتكلم مع حد ولساني يثقل بالساعات ومتكلمش إلا بالإشارة.

 

حالة (6) شاب – 21 سنة

لما استحم بالماء الساخن وفقط الماء الساخن أقع على الأرض وأصحو ألاقي نفسي نايم على السرير إيدي مشلولة وفمي معووج (تحويل)

واحد شيخ قاللي ده جن، واحد تاني قال ده ملبوس (لأن الجن في نظره زعلان من الماء الساخن لما ينزل في الحمام بالليل).

يقول الأهل أنهم يلاقوه نايم على السرير يقوم يقول مين جابني هنا (انشقاق)، في لحمام استحمى بماء ساخن.

حالة (7) شاب – 23 سنة

يقول لو فكرت زيادة أو حاجة شغلتني أو شفت في التليفزيون حاجة مثيرة أو حاجة زعلتني أو كنت خايف من حاجة أبكي وأعمل على نفسي بول وأبقى مش مصدق اللي بيحصل.

تقول أمه لما يزعل يبقى عصبي ويزعق ويشتم ويكسر كل حاجة، مرة خاله قال له كلام جارح أنه غير متربي وأنه ملوش لازمة في الحياة، ليلتها اتشنج وتبول على نفسه وبقى يقول ويكرر الحكاية دي، كل زعل أو في أى مشكلة، مرة استلف دراجة ابن عمه وعمل بيها حادثة وتكسرت الدراجة وطلب ابن عمه منه ثمنها، تبول على نفسه (تحويل) يقول أيمن مين فيهم، أنا مين من الثلاثة دول، وبقى مش عارف هو مين (انشقاق)

لما تطلب منه أمه الذهاب للعمل يخرج من البيت وبعد قليل يرجع متبول على نفسه ويقول مش حاسس بنفسي.

حالة (8) فتاة – 26 سنة (تحويل)

تتعصب، تبكي، نوم على طول، ترفض الأكل، تشد في شعرها، تنميل في اليد والرجل، ألم الظهر والرأس، صهد ونار في كفوف اليد، تثاؤب، خنقة، اللسان ممسوك، لا تتكلم، ألم في الذراع الأيسر، ألم في المعدة، لما ألم الذراع يروح يروح معاه ألم الرأس والمعدة.

كل ذلك حصل بعد صدمة عاطفية، كنت على علاقة بواحد لمدة سنة ونصف بالتليفون فقط ووعدني بالزواج، فجأة انقطع وبطل يتصل حصل اللي حصل..

شيخ قال سحر، واحد تاني قال جن، واحد تاني قال نظرة حسد أرضية، وآخر واحد قال شاربة سحر (نرجو عمل اجتماع بين الشيوخ سالفي الذكر وعمل تصويت للوصول إلى تشخيص واحد).

حالة (9) فتاة – 18 سنة (تحويل)

من أسبوع

مخنوقة، زعلانة من كل حاجة في الدنيا، أى حد يكلمني أزعل، أى وضع وحش أزعل، أبويا وأمي تعاركوا أزعل، لو خطيبي زعلني أزعل وأطول في الزعل، لو حد شخط فيا أزعل، لو حد بصلي بصة وحشة أزعل.. ولما أزعل يجيلي صداع، أتخنق، أبقى مش عاوزة آكل أو أشرب، أدوخ وأقع على الأرض، مقدرش أحرك ذراعي ورجلي الشمال، إغماء كثير.. لما أمي وعمتي اتعاركوا وأمي تركت البيت غضبانة عند أهلها حدث لي صراخ شديد وشلل في إيدي ورجلي وصداع وإغماء أبقى حاسة بكل حاجة بس مش قادرة أتكلم ولا أتحرك مش قادرة أقول لحد أنا زعلانة.

الشيخ كلم الجن وقال شفت فلان وفلان وفلانة عملوا سحر في كوز وشرَّبوه ليا (وكأن الجن يعلم الغيب) وقال خلاص طلعت اللي عليها ودلوقت عندها حالة نفسية (يا سلام يا فارس يا همام).

حالة (10) فتاة – 20 سنة  (تحويل وانشقاق)

من سنتين

صداع باستمرار، ألم الظهر، كتمة نفس، برودة الأطراف، تغيب عن الوعى، تقول عاوزة أصرخ، تضرب اللي حواليها، تكسر وتشتم تقول أنها تجد قرصات في جسمها ورجلها اليمين ولا تتحرك.

لو طلبت من زوجها تروح لأمها ورفض تصرخ وتهبد، تخبط، تزعق ويغمى عليها.. تقول لو حد نرفزني رجلي محسش بيها وعيني ماشفش بيها، لما أفتكر أى زعل أو حد يعمل فيا حاجة يغمى عليا وأصرخ وأخبط ومحسش باللي بعمله ,أحيان ثانية أسكت أبقى مش عاوزة أكلم حد ولو حد كلمني مشفش بعيني وجسمي يرتعش ومعرفش حد قدامي.

 

        أمثلة لحالات من الهيستيريا الإضطرابات الإنشقاقية والتحولية الرئيسية